江南庭敘 (Closed)

之前上網見到九龍灣新起左座四面佛，一直都好想去睇下，今日同埋朋友去左九龍灣行街，所以晚飯我就提意去依度食飯，順便就可以去睇喇。入到去，覺得環境非常開揚同光猛，位與位之間好寬敞舒適，私隱度極高。而侍應亦好熱心，問野都會保持微笑，服務態度極佳！抵讚！鴛鴦鍋：湯底可以揀自選湯底，我揀左蕃茄排骨湯底拼香茜皮蛋湯底。蕃茄湯底味道濃郁，而湯入面仲有好多排骨同蕃茄，酸得黎帶點甜味，好開胃！香茜皮蛋湯底：湯底入面既香茜同皮蛋都算多，而且都算清淡，可以中和一下，同埋無咁熱氣，good!安格斯牛肉：牛肉既脂肪比例平均，牛肉味非常濃，而且口感軟熟，堅正！而份量都算大碟。水餃：入面既餡都算多，用料新鮮，皮薄餡靚，好味。豬頸肉：肉質非常新鮮，口感爽口彈牙，一d都唔靭，而且豬頸肉索滿左湯底既味道，好好味。玉子豆腐：一粒粒既玉子豆腐好似旗子咁排好，非常精美。而依隻玉子豆腐唔怕會散開，滾左一陣已經索滿左湯汁既味道，好入味。口感方面，豆腐好滑而且仲有淡淡既蛋香，正！炸魚皮：魚皮好香脆，放入去湯裡面，酌一秒就已經索滿左湯汁既精華，好味！手打鯪魚滑：魚滑上面有瑤柱絲，而魚滑打得好細滑，食落去仲好彈牙，仲有好香既鯪魚味添！野