軍記海鮮菜館 (Closed)

三個人聚餐，食咩好？一於試下呢間算得上近地鐵站既餐廳，方便各人返屋企麻。佐敦地鐵寶靈街出口兩分鐘倒到喇。望住個餐牌，太多款野想食喇，但一見到豉汁蒸鱔，二話不說「叫」！真係好味，鮮味，個汁整得好好味，要嚟餸飯，我地用粉絲點個汁，好正囉！跟住...豉油皇蝦蝦，好夠味！跟住炸子雞半隻，少脆皮，炸蒜，味夠。然後就係一人一隻蒜蓉粉絲蒸扇貝，新鮮！除左海鮮，叫左椒鹽豆腐，脆口。最後點都要叫碟菜既，上湯白菜仔，份量多返少少就完美喇。