Anchor’s Seafood and Beer House (Closed)

因為有折扣優惠，價錢平，所以去試試。第一次係而間酒店食自助餐，我地渣車入去，唔難搵，好彩係平日，所以有免費車位泊車，泊車步驟就唔講啦，講下環境，食物質素，員工質素。我地個日去唔多人，野食唔洗排隊，但食物質素就有代改善啦，味道一般，食物選擇唔算多，但都算好快加食物上去，員工執枱都算快手，客人講唔該，佢地都好有禮貌回應，而點唔錯，我好滿意，蠔其實唔錯，有二款選擇，但得一個員工工作，所以洗得唔好，重有殻，啲蟹唔係麵包蟹，所以唔好食，冇長腳蟹，所以海鮮唔多選擇，等四款，其他熱食都不錯，蠔吧隔離有個熱食，可以選擇花膠粥，但個粥一啲都冇味，成碗白粥一樣，就算加了配料都冇味，而點要減分，沙拉有樣好，就係有一大舊芝士比你自己加，而個不錯，我諗成晚最好食既係自助班戟加自助Movenpick雪糕。大家可以考慮下去唔去而間酒店食自助餐啦。最後要提一提，因為外面景色都算靚，都有幾張枱可以坐既，但當日我出去影相就見有幾位內地客，張佢地對腳方上枱，令到我唔想出去睇景影相。