Video
Read full review
2010-11-17
17 views
今次為兩位朋友慶祝生日！我提早1個月出 e-mail 俾十幾個朋友，點知出 e-mail 之後，無人覆，攪到我好無癮！知道有些朋友因為家中有事，未能出席，可以理解！其他........當然，身為是次生日飯攪手嘅我會如常出席及為她們慶祝生日！我哋三個女人一個墟，不知傾得幾開心！霞飛並不是預期中大，入門口右手邊係一排卡位，我哋坐喺中後位置，望到開放式廚房。呢度以木雕屏風作裝飾，細心觀察燈係用方形雀籠併合而成！幾特別又不失中國風格！由於慶祝生日，千祈唔好叫 7 樣嘢，結果叫咗以下 6 款：鎮江肴肉 $46最先上枱正是呢碟小食，賣相不錯！比鼎泰豐更吸引！令我食指帶動！相信做法相當繁複！豬蹄肉跟啫喱狀嘅凍混合一起，層次分明！食起嚟爽口，唔係實繃繃！肴肉不太有肉味，可能被啫喱凍部分鮮甜味掩蓋！蘸埋鎮江醋，更添風味！其實，唔係好多地方做得好，呢度算做得唔錯！加上只要 $46 有 8 件之多，我哋絕對收貨！花素蒸餃 ( 4 隻 ) $24以蒸籠盛住 4 隻飽滿嘅素餃，用了白菜、冬菇、木耳，全部切粒包成；白菜佔比例最多，約 8~9 成。皮薄餡靚！只要咬一口，已感覺到豐富嘅餡料充滿口腔！白菜依然保持翠綠，
當然，身為是次生日飯攪手嘅我會如常出席及為她們慶祝生日！
我哋三個女人一個墟，不知傾得幾開心！
霞飛並不是預期中大，入門口右手邊係一排卡位，我哋坐喺中後位置，望到開放式廚房。呢度以木雕屏風作裝飾，細心觀察燈係用方形雀籠併合而成！幾特別又不失中國風格！
由於慶祝生日，千祈唔好叫 7 樣嘢，結果叫咗以下 6 款：
鎮江肴肉 $46
最先上枱正是呢碟小食，賣相不錯！比鼎泰豐更吸引！令我食指帶動！相信做法相當繁複！豬蹄肉跟啫喱狀嘅凍混合一起，層次分明！食起嚟爽口，唔係實繃繃！肴肉不太有肉味，可能被啫喱凍部分鮮甜味掩蓋！蘸埋鎮江醋，更添風味！其實，唔係好多地方做得好，呢度算做得唔錯！加上只要 $46 有 8 件之多，我哋絕對收貨！
花素蒸餃 ( 4 隻 ) $24
以蒸籠盛住 4 隻飽滿嘅素餃，用了白菜、冬菇、木耳，全部切粒包成；白菜佔比例最多，約 8~9 成。皮薄餡靚！只要咬一口，已感覺到豐富嘅餡料充滿口腔！白菜依然保持翠綠，十分鮮嫩！浸出麻油香味，屬清淡健康之選！
醬爆雞丁 $56
非常惹味嘅一道小菜，7 成雞丁配以 3 成翠玉瓜、少許冬菇絲；顏色即時生色不少！翠玉瓜吸咗醬汁，十分香口，仍不失爽脆口感！雞丁與蒜片及醬汁一齊煮，醬爆到香一香，夠乾身而且入晒味，亦能帶出雞嘅鮮味，肉質嫩滑！伴飯食一流！只係油咗些少！
糖醋小排骨 $38
糖醋小排骨灑上白芝麻，驟眼睇賣相倒是不錯！令人幾開胃！份量尚可，汁多了點油！ 不太酸卻嫌偏甜！排骨肉質較硬！呢碟係唯一食剩嘅小菜。
松子咸肉菜粒炒飯 $46
炒飯炒得乾身，真係見到每粒飯明顯夠散，但可見有些飯粒有點焦！可惜，食落有點硬！加上松子，無疑增加口感！炒埋白菜仔粒、咸肉，調味之餘又令賣相吸引啲！實質係一碟普普通通嘅炒飯，食完口寡寡！
灌湯牛肉餡餅 $26
期待已久，終於上枱。賣相好似日本和果子，精緻可人！一咬開煎得金黃色嘅薄薄餅皮，肉汁四溢！以牛肉及蔥粒做餡，味道鮮美又香兼夠惹味！雖然牛肉汁幾油，但係唔會覺得餾！一人一個實在唔夠喉！
茶位$3/位：每枱均有一壺茶，係有茶色，無茶葉、無茶味嘅茶。
埋單：$270
Post
