三原 (Moved) New Location

煩緊情人節食乜野？俾個唔錯嘅提議你，係各大餐廳勁多宣傳而價錢都好aggressive嘅時刻，呢個主力係俾大家食情人節慶祝晚飯嘅套餐就相宜得來好有水準，係將軍澳三原鐵板燒就有呢個三原x MIYAGI STYLES <三原・宮城縣噌味菜單>暫時呢個TASTING MENU會個幾日推出，不過應該之後都會再繼續，因為一定受歡迎，而最緊要通常情人節千幾蚊都無乜好野食，呢到$1450一位食盡宮城縣嘅美食之餘，仲要係樣樣靚料。帶子仙台薄切刺身白子蒸蛋配三文魚籽香煎仙台大蜆澳洲龍蝦配蛋黃醬銀鱈魚配柚子味噌汁三陸產黑鮑魚配海膽汁A5 仙台和牛肉眼厚燒鰻魚茶漬飯抹茶奶凍配日本番薯蓉成個餐連甜品九樣野，樣樣都別出心裁，唔係靚料咁簡單，全部都用過心機去處理，除左可以欣賞師傅嘅手藝外，仲可以睇到佢點樣將鐵板燒藝術融入美食入面。全晚有幾個菜式都好鐘意，鰻魚茶漬飯係首選，你應該無食個呢個形式嘅茶漬飯，外層煎到脆脆，個鰻魚都夠厚身，加埋佢獨得嘅高湯，又係食完當去左日本之系列。我之前係呢到食過黑鮑好出色，三陸產黑鮑魚配海膽汁有個好正嘅海膽汁，夠熱得來而個海膽仲係維持個個形態，黑鮑魚剛剛好的軟得來又彈牙。