翠湖海鮮飯店

Open Now

Now Closed

今日朋友約 dinner ，想搵一間可以坐6人既地方，其實選擇唔算太多，唯有揀中菜食啦，之前朋友食過話呢度唔錯，就試下你先。黎到見到環境就真係好舊，舊式飯店既格局，但又估唔到又幾多人食，差唔多9成滿座，可能價錢平既關係。叫左個大富貴三寶 $348白灼海蝦 (一斤)，燒鵝 (例牌)，翅裙海蜆大芥菜呢個餐又幾抵，燒鵝都幾大隻，分量都唔少，味道唔錯，不過略嫌有D肥。白灼蝦幾彈牙，都新鮮同大隻既。翅裙海蜆大芥菜，睇個名都唔知係咩黎，原來係用胡椒做湯底，加左海蜆，翅裙，大芥菜滾成一煲，都幾特別既，不過我就唔鍾意芥菜個味，但個湯係鮮甜既。其他仲叫左椒鹽鮮魷，川味豬手，味道都可以。