火山燒 (Closed)

尋晚男友接我放工，所以我地去銅鑼灣行街拍下拖，經過見到呢個廣告，我地都有興趣，就上左去試下啦！而家我地好鍾意玩即興🙈坐低後首先食左個小小冷麵打頭陣😁我比較鍾意白色果個，酸may may好醒胃！然後再點左D串燒，一盤盤視覺上好豐富，眼晴先吃！😂😂😂有些食物會廚房代燒的，例如螺及雞皮串，螺燒得好淋好鮮味👍🏻👍🏻👍🏻雞皮串好香脆👍🏻👍🏻👍🏻D虎蝦好大好正，啖啖肉😍😍串燒中有一串類似糯米的東西，好特別，輕輕燒到表面少少脆，食落有口感，不錯！雖然有3小時任食，但兩個鐘我地已經好飽🙈，因為個Gas爐燒得好快，又可以較大小火🔥好彩呢度有D清熱氣的飲品選擇，我怕太燥底變港女上身就大件事！😂😂😂