Girlboss by Master Kama (Closed)

同男友人食晚餐，入到黎侍應會叫welcome boss~我地叫左個bossy royal set，呢個餐有2款沙律/湯，2款前菜，1款主食同2款意粉/pizza不過無包飲品，所以我地另外加左杯士多啤梨奶，個名叫flamingo kiss，味道偏甜，似韓國隻士多啤梨奶味，可以一試。呢個沙律係三文魚柚子檸檬玻璃杯，要自行擰上蓋搖均後再倒出黎食，柚子汁好清新，加埋少量橙肉配襯，個三文魚變得好好食。是日餐湯係蜆肉海帶湯，我最鍾意飲，好味！前菜就揀左黑松露芝士玉子燒，玉子夠厚，芝士拉出黎嗰下已經覺得正，入口好香松露味！另一前菜係焗大蜆薯蓉，面頭鋪滿芝士白汁，蜆肉新鮮！主菜係燒一口安格斯西冷，一粒粒方便進食，肉質不錯。Pizza揀左龍蝦海鮮薄餅，餅皮又脆又薄，好味！而意粉就必點炸軟殼蟹冬陰功意大利粉，意粉超香冬陰功味，雖然好辣，但好好味，一定要試！最後食多個雪糕就完美啦。