平昌韓國BBQ (Closed)

未食過醬油蟹，見到groupon上面呢間韓國料理有醬油蟹餐，只係百幾蚊，就心郁郁想試，買左兩個套餐前菜兩個餐既碟數唔同，第二次少左，泡菜同豆腐味道唔錯。其實百幾蚊包埋飯同湯鍋本身都唔要求太多，湯鍋係幾好味既，有豆腐同蝦&蜆個d海鮮。重點係醬油蟹，雖然期望唔高，但冇諗過係苦既！！朋友話同佢係韓國食既完全唔同味，呢隻似係霉左。好後悔點解個陣冇即時投訴，店員行過仲叫我地撈飯食，但重點係已經食唔到，最後我地決定唔食剩低幾件，怕肚痛...仲有送既柚子梳打係甜到苦。本身都諗住食完冇咩野就算，但尋日四個人食完今日兩個肚痾仲有一個腸胃唔舒服睇醫生，真人真事，大家真係要諗下食唔食呢間，估唔到第一次團購就伏到咁。