梅丘壽司の美登利総本店 (青衣城1) (Closed)

見呢度d食評，諗住午市都應該唔會有好多人啦，點知去到先發覺根本坐滿，好彩好快都入得。午市好多set揀，但最終都係決定散嗌，起碼試到多d款式同味道。呑拿魚係美登利最出名，咁當然要叫，一上台，擺盤實在好靚好吸引，條條魚生都勁長，啖啖肉，唔會似另一間開到成巷成市既迴轉壽司店咁hea，自然性價比都高幾級！不過吞拿魚就冇話入口即溶，但都好食好有鮮味，以往唔偏好吞拿魚既人可以試試，或者會改觀。個人黎講會盛讚三文魚，三文魚絕對係香港人最愛既魚生，美登利既三文魚真係冇得傾，魚油爆多，估唔到反而三文魚先至係入口即融，特別係炙燒過個款，食下就知比酒店質素更勝一籌，記得一定要叫，唔係講笑！另外個盤貝類冇乜興趣，所以冇食到。