丼家 (Closed)

週日二點幾同屋企人去丼家食我地嘅午餐😂 平時夜晚經過都見到好多人等位，懶得排隊嘅我見下午無咩人，同埋見佢星期日有lunch set，而且價錢唔太貴，就去試下！我叫咗個極上特盛海鮮丼$78 有小食(中華沙律同兩隻加洲卷) , miso soup 仲有一盒茶。成個丼我覺得最好食就真係得三文魚同珠寶蝦同油甘魚！三文魚非常肥美，油脂好正，珠寶蝦肉質彈牙，同油甘魚都唔錯！不過其他刺身就一般般，好似呑拿魚，一望就好乾咁，食落有少少鞋口。左口魚係有好香油脂味，但係有根。而且壽司飯有點太乾身！有少少失望，不過好彩有三文魚搭救！