大家樂 (Moved) New Location

今晚食完就今晚寫啦，呢排成日都見到大家樂出既三文魚海鮮焗飯。味道好似唔錯咁，今晚終於開齋啦。放左學之後就黎到呢間大家樂，話哂係晚市，人都幾多下。酥皮周打魚湯即係忌廉湯啦，料就唔算太多。但勝在酥皮好好食，就算浸左落湯到都唔會咁快淋哂。同意粉屋既酥皮係兩個層次，不過佢都唔錯既。三文魚海鮮焗飯三文魚既份量算幾多，焗飯既野菌汁有小小似金寶忌廉湯既味道。而呢個炒飯炒得好煙韌，粒粒都咁好食。而個飯都有好多料，有蝦、青口、魚柳等等啦。要彈既係，個飯始終犯左焗飯既通病，就係唔夠多汁。凍奶茶好好飲呀，又香又滑既凍奶茶。味道唔錯。實有下次既，個焗飯味道唔錯。價錢又唔太貴。