三木日本料理 (Closed)

之前同朋友出尖沙咀行街，同朋友行街唔想煩諗食咩，最好既選擇就當然係食放題啦。最後我地揀左尖沙咀站附近既三木日本料理，交通方便，食完就可以搭車走。當日雖然係星期日，夜晚大約八點半，不過都唔需要等好耐就有位。入面環境比較昏暗，不過可以接受。有A-N既食品點紙以供選擇，另有特上刺身孖寶(HKD38/份)。其他包括:刺身，壽司，軍艦、火灸壽司，手卷，反卷，日式沙律，串燒、日式小食，鐵板燒，天婦羅/炸物，一品料理/湯品、丼/烏冬、甜品、飲品。因為部份食品即叫即做，上菜速度不算快，一開始需要點時間等待。一開始我地每人一碗日式蟹粥，蟹味甚濃，好味道。不過粥既米量較少，水多，搞到好似蟹湯。之後就到刺身啦~雖然兩個人，但都叫左滿滿既一碗！我不太懂刺身，不過友人覺得頗新鮮，最後仲加單叫多d。我們只點了火灸壽司，推介火灸海鰻壽司，鰻魚汁同鰻魚配合得好好味。但係鰻魚汁放落其他火灸壽司稍為有點甜。串燒:有機菠蘿燒和日本糖芯蕃薯串真係必食，兩個都好好味！即使同樣係燒，仍然保留水份，仲好甜。香辣雞肉串都可以嘗試下，少少辣，幾野味！炸物:可以嘗試下自家制墨魚餅同日式香蕉年糕，幾特別，唔係度度有得食。芝士