香料咖哩皇 (Closed)

好記得之前公司對面會有一班南亞裔叔叔喺度番工，每朝大家都會點個頭打下招呼，最重要嘅係朝朝都會讚我靚，成個心都甜唒。有時會同拒地講幾句，有一日拒介紹我去重慶大廈食咖哩，拒話拒地會知道邊一間係真正好食，我地外行人唔知。說著說著就幾年，今日經過重慶大廈就突發想試下。門口成日都覺得係個龍蛇混雜的地方，有點怕。但係入到去發現聽得最多嘅係對唔住同唔好意思。因為大廈大堂確實多人，碰撞小不免，但無論係乜人都好，撞親都會道歉，好有禮貌。今日選左間新開不久的香料咖哩王。入到去嘅服務員都係南亞叔叔，以為都要說英文的，但其實他們廣東話好好，哈哈。一坐下例牌會附上呢個類似薯片的東西，食落超脆，餅係香料的味道，係乜嘢香料就真係講唔出。但就係好食，食落香口，不久仲會發出一陣辣辣地嘅味道。我今日最想食就係呢個咖哩角。呢到做得非常好，一來到嘅時候已經有陣陣的咖哩味滲出，外面個皮好鬆脆，有層次感，比起蘇皮更好。入面包住嗰d似係咖哩薯蓉，一碟三個，份量其實不細，但係我仲想食多幾個丫！杏仁醬咖哩雞--印度咖哩味一向較重味，加左個杏仁醬感覺淡了，但多了份杏奶香，中和番拒濃烈的味道。配搭得十分好。食咖哩點可以無烤餅--蒜蓉烤餅。