三盞燈茶餐廳 (Closed)

通常響三盞燈都係食早餐，因為真係好大份好滿足。是晚同男友經過，見到有個好抵食嘅晚飯套餐，$82已經包兩個餸，連湯連飯連飲品，所以就試一試佢。羅宋湯：幾濃幾夠味。豬頸肉炒鮮魷：豬頸肉成為左主角，入味得黎又爽口，送飯一流！反而個鮮魷就有點被比下去了。沙拉骨：沙拉的味道唔錯，每件骨都沾到足夠的沙拉醬。唯一係我吃骨不太叻，如果可以再多啲肉就好了。飲品：我杯熱檸茶幾香幾好味。男友話杯凍奶茶都幾好，味道適中。待應的態度幾好，問到個晚飯套餐，都有慢慢講解返係新套餐。價錢合理，可以再黎。