蓮．越坊 (Closed)

話說去書展之前諗住食少少野先去行,所以就隨便選了家餐廳。其實我是想吃海南雞飯先入去的,卻意外發現了好吃的甜點。(女孩子嘛,總是去到邊都想吃甜的)佢個三色芒果糯米飯好正，紫米同糯米質感軟糯煙韌，唔會好乾散開哂，微溫剛剛好。面頭個椰奶味道好特別，冇乜椰子味，不過有種好香甜的味道，食完齒口留香好回味，而且佢個醬剛好蓋住哂個飯，呢份好多醬，我中意每一啖都有椰奶，好好味。而佢的芒果都好正，好香甜，唔會酸，又冇太熟，加埋d糯米黎食真係好好食。雖然佢的價錢拍得住個海南雞飯，但我都覺得值得，因為最慘就係遇上又貴又唔好食的野。個海南雞飯就真係普通好食，個雞幾滑，皮都算脆，個點醬都幾好，不過雞得幾件，好少，我胃口比較大哈哈。不過個味就普普通通冇乜特別。而那個飯呢,油是不夠，所以乾，也不夠香，冇乜味。至於服務員工咁忙的情況都算快手冇黑面，所以算ok。