Oasis Bar & Grill (Closed)

最近去咗尖沙咀依間「Oasis Bar & Grill」食晚飯，餐廳嘅Menu有提供好多款唔同菜式及飲品選擇，略嫌定價偏高。*此餐廳收取加一服務費。酥炸原隻軟殼蟹蟹肉蟹膏意大利飯（單點$228），軟殼蟹口感酥脆，內有蟹膏，食落有鮮味，意大利飯口感軟硬適中，表面裹滿蟹膏醬，味道鹹鮮，略嫌蟹肉比較細碎，配料包括有蘆筍、櫻桃蘿蔔、香葉，略嫌整體份量比較少。法式蟹肉龍蝦湯（單點$108），份量多，蟹肉味道鮮甜，食落啖啖肉，內有櫻桃蘿蔔，龍蝦湯口感Creamy，味道濃郁、帶點回甘。The Oasis（單點$148），採用伏特加、荔枝利口酒、玫瑰戈美、柑橘、喜馬拉雅山粉紅鹽、蝶豆花茶製作，味道酸甜帶鹹，飲落容易入口。