Video
Read full review
2007-12-30
34 views
一個唔多識打中文既我都忍唔住要係度發泄一下。呢間咁既超級Overpriced既餐廳真係令人極之失望﹐直頭有D憤怒。首先﹐訂位時佢話有Party,無晒枱,要係近門口同會比較嘈。唔緊要﹐諗住你食物好食就得啦。去到﹐係門口就見到張離門口不到三呎既吉枱﹐都知應該係我地架啦﹐入到去﹐間餐廳一眼望晒﹐攪成分鐘都可以無一個waiter係眼前﹐差D想自己坐低。好﹐算﹗坐低之後﹐望下個餐牌﹐咦﹐手寫架wor,連winelists都係。心諗﹐真係日日唔同架wor.好﹐見有個item寫beef steak.就問下係咩part of the beef啦﹐點知waiter話無牛。我地問係唔係賣晒。佢答我地今日無牛。今日無牛又點解會係個所謂每日update既menu 上有beef steak 呢。好好笑!!算﹐我地望左好耐個頭盤有咩好食﹐結果揀左parma ham with melon.隔左十分鐘﹐個waiter行出黎話無MELON,真係"MELON"都無!!!咁我地繼續望個餐牌諗有咩好叫啦﹐個waiter好寸咁話﹐"你地慢慢揀啦﹐你而家叫我地廚房都做唔切"嘩﹐真係咩態度呀。跟住問佢有咩signature dis
首先﹐訂位時佢話有Party,無晒枱,要係近門口同會比較嘈。唔緊要﹐諗住你食物好食就得啦。去到﹐係門口就見到張離門口不到三呎既吉枱﹐都知應該係我地架啦﹐入到去﹐間餐廳一眼望晒﹐攪成分鐘都可以無一個waiter係眼前﹐差D想自己坐低。好﹐算﹗坐低之後﹐望下個餐牌﹐咦﹐手寫架wor,連winelists都係。心諗﹐真係日日唔同架wor.好﹐見有個item寫beef steak.就問下係咩part of the beef啦﹐點知waiter話無牛。我地問係唔係賣晒。佢答我地今日無牛。今日無牛又點解會係個所謂每日update既menu 上有beef steak 呢。好好笑!!算﹐我地望左好耐個頭盤有咩好食﹐結果揀左parma ham with melon.隔左十分鐘﹐個waiter行出黎話無MELON,真係"MELON"都無!!!咁我地繼續望個餐牌諗有咩好叫啦﹐個waiter好寸咁話﹐"你地慢慢揀啦﹐你而家叫我地廚房都做唔切"嘩﹐真係咩態度呀。
跟住問佢有咩signature dish,佢話佢地既蝦pasta最有名。咁就叫黎試下啦﹐埋黎真係嚇親我﹐一碟pasta有八個蝦頭﹐最可愛既係呢D成三寸長既蝦頭係得三個一寸唔夠既蝦身﹐仲要係屍首分開。真係名副其實既大頭蝦。好﹐我見識少﹐唔識食蝦頭﹐你都俾D新鮮既蝦肉我吖。我朋友話﹐點解咁淋既﹐我糾正佢話﹐呢D叫"霉"。真係點諗都唔明一碟咁既變種異形蝦意粉憑咩值四百八十﹐連加一過五舊。
食完一個八頭三身既所謂招牌菜。諗住個羊扒都唔衰得去邊啦。煎咋wor...咁都衰得?係﹐真係可以好衰!!
五塊羊扒充滿凌亂美咁散落係個大碟上﹐碟旁有"株"醃菜加半粒車里茄。好一個毫無誠意既food presentation, 大家樂D扒都放得靚過佢。算。心諗好味都無所謂。切一小塊入口﹐無點到mustard 同mint sauce...諗住試下原味啦﹐嘩﹐原來D mustard同mint sauce唔係去除羊酥味﹐而係用黎調味lor....因為舊肉係一D味到無﹐真係同食舊煲左湯四粒鐘既豬肉無分別。仲要無問我地幾成熟就整well done。真係切底失望。三舊水既羊扒﹗﹗我地食淨成塊﹐個waiter收野時都唔識問句How's the food.真係咩服務呀?
結果我地連dessert同coffee都唔想俾機會佢就走人。埋單千四蚊﹐真係好唔高興既一餐。唔係講笑﹐如果有得俾十個喊面﹐我俾足十個佢呀﹗
Post