Video
Read full review
2019-03-28
174 views
現在冰室開到成行成市，用地方名嘅有元朗、紅磡、太子、灣仔、龍城、長洲....其他有名嘅有華嫂、華星、龍鳳、金記、旺記......真係多到數不清，個個都話自己係正宗冰室，唔通間間都係正宗冰室咩？最近經過漆咸道南與漆咸圍交界，見到間新冰室，叫「三餐冰室」，呢個位置對上一間係由日本公司開嘅賣法式多士、日式甜點及特式飲料嘅小店，再對一間就唔記得，只記得18、20年前左右係一間酒吧，當年留了不少足印響呢度。終於約返18、20年前響度做酒吧嘅朋友到來試試呢間三餐冰室， 懷緬一下過去；三餐冰室，照字面解釋，當然想你一日三餐都幫襯冰室，但呢度好似未有早餐供應，仍在試業中，只見到同其他冰室都大同小異的常餐(三餐常餐分A、B、C餐)、午餐、下午茶餐.......其他有三餐焗飯、馬來咖喱同鐵板扒餐等，款式不太多，比較接近從前嘅冰室/茶餐廳，簡而精，仲有呢度枱與枱空間位置夠鬆動。問咗侍應，啲餐大唔大份，佢話常餐就正常人份量，而焗飯同鐵板餐都幾大份，可以大家share食，咁就叫幾樣大家share一齊食，而正常嘅我每日都會食沙爹牛肉麵，所以就點咗三餐常餐A($48，配即磨咖啡及餐飲，凍飲加$3，其他特飲加$6-$
最近經過漆咸道南與漆咸圍交界，見到間新冰室，叫「三餐冰室」，呢個位置對上一間係由日本公司開嘅賣法式多士、日式甜點及特式飲料嘅小店，再對一間就唔記得，只記得18、20年前左右係一間酒吧，當年留了不少足印響呢度。
終於約返18、20年前響度做酒吧嘅朋友到來試試呢間三餐冰室， 懷緬一下過去；三餐冰室，照字面解釋，當然想你一日三餐都幫襯冰室，但呢度好似未有早餐供應，仍在試業中，只見到同其他冰室都大同小異的常餐(三餐常餐分A、B、C餐)、午餐、下午茶餐.......其他有三餐焗飯、馬來咖喱同鐵板扒餐等，款式不太多，比較接近從前嘅冰室/茶餐廳，簡而精，仲有呢度枱與枱空間位置夠鬆動。
問咗侍應，啲餐大唔大份，佢話常餐就正常人份量，而焗飯同鐵板餐都幾大份，可以大家share食，咁就叫幾樣大家share一齊食，而正常嘅我每日都會食沙爹牛肉麵，所以就點咗三餐常餐A($48，配即磨咖啡及餐飲，凍飲加$3，其他特飲加$6-$12不等)就最好不過，沙爹牛肉麵，配火腿炒滑蛋，牛油多士，紅豆冰(加$8)。
沙爹牛肉麵
148 views
1 likes
0 comments
火腿炒滑蛋，牛油多士
30 views
0 likes
0 comments
紅豆冰
37 views
0 likes
0 comments
好耐無食過咁對辦嘅沙爹牛肉麵了，沙爹汁夠杰身，牛肉味又夠濃又好咬口，仲要食到有花生醬粒的，我見公仔麵開始淋(因為我喜歡食硬身麵)，所以一影完相就即刻食，好彩公仔麵算合格，有人話湯比較淡，但最後啲沙爹汁去哂湯度是夠味的；火腿炒滑蛋，炒滑蛋夠嫩滑，但可以再嫩滑，火腿有煎過的，我喜歡將火腿配上牛油多士一齊食，多士夠香口，麵包夠軟身，合格；紅豆冰，紅豆不會煮得太淋仍有咬口，呢度是用碎冰的，椰汁同淡奶滲滿碎冰，清甜加透心涼。
焗葡國鷄飯
26 views
1 likes
0 comments
熱奶茶
18 views
0 likes
0 comments
一位朋友點了三餐焗飯嘅焗葡國鷄飯($72，配即磨咖啡及餐飲，凍飲加$3，其他特飲加$6-$12不等)，配熱奶茶；焗葡國鷄飯一上枱，外面可見到椰絲焗到有焦燶嘅效果，椰香撲鼻，薯仔及蘿蔔夠熟透，鷄件熱辣嫩滑，連鷄骨都夠香口，焗飯飯粒夠乾身，如果多啲汁就更好；朋友話熱奶茶夠香滑且茶味夠，唔知響邊度飲過。
鐵板招牌牛柳餐
14 views
1 likes
0 comments
鐵板招牌牛柳餐
22 views
1 likes
0 comments
凍檸茶
14 views
0 likes
0 comments
香港已經唔太多冰室會做舊式鐵板餐了，另一位朋友就點了一客鐵板扒餐嘅鐵板招牌牛柳餐($128，羅宋湯或是日餐湯，鐵板餐均配薯菜及醬汁一款：黑椒汁、洋葱汁、燒汁或蒜蓉汁，配即磨咖啡及餐飲，凍飲加$3，其他特飲加$6-$12不等)，羅宋湯、黑椒汁，凍檸茶(加$3)；羅宋湯，不是水旺旺那款，少少杰身，有好多牛肉粒及雜菜，非常足料及夠味；朋友話凍檸茶夠茶味，最緊要夠凍；主角鐵板招牌牛柳餐出場，有2件牛柳，一淋上黑椒汁，啲汁響熱辣辣嘅鐵板上發出嗞嗞聲，隨即冒出陣陣白煙，就係要呢隻效果了，一切開牛柳仍見有少少紅色部份，牛柳外面香脆，肉裏面剛熟之餘又好咬口，薯條香脆又夠粉、連番茄都好甜，西蘭花夠爽脆，賣相已經有90分。
呢間三餐冰室剛剛試業，希望可以保持水準，因為呢度附近真係想揾一間似樣返少少嘅冰室/茶餐廳都幾難。
Post
