759車仔麵 (Closed)

九展開咗好多新餐廳， 我都差不多試過曬， 趕住睇戲最方便都係去759車仔麵， 以前經過好多次以為唔好食， 但試過一次之後就改觀了。 今次叫咗兩碗車仔麵加兩杯飲品，咖哩魚蛋＋豬紅＋豬大腸＋油麵加腩汁， 雞中翼＋牛肚＋韭菜餃＋刀削麵加腩汁，凍檸檬茶，熱檸水，埋單$78。咖哩魚蛋細細粒， 彈牙又煙韌， 豬紅和豬大腸做得好入味， 今次仲試埋刀削麵， 比起平時食開嘅麵特別煙韌有口感， 兩碗車仔麵都有加腩汁， 食落更加惹味。如果有759會員卡還有95折呀， 三十幾蚊就有三餸車仔麵好抵食。