Video
Read full review
2012-05-27
7 views
知道尖沙咀開左間新既韓燒更係要來試下..更好7時前來到係無訂位之下剩餘一張二人枱總於幸運.二人選擇, 豬皮, 牛脊肉,鰻魚, 最後再追加一個冷麵叫完食物後店員即送上一大支凍麥茶; 每一碟生洋蔥, 湯.至於前菜就泡菜, 土豆絲(前菜是無限加添)...第一驚喜係估唔到個湯係凍湯仲要有D蘋果同紹菜, 酸酸甜甜好醒胃.至於前菜就比較遜色唔算美味...平時食韓燒真係無豬皮食, 見到餐牌有這個菜色供應,我同友人都想試下.此店處理得豬皮好乾淨, 店員說燒好後配上旁邊既黃豆粉食用, 可惜燒後既豬皮一點都唔似我地中國菜既燒肉皮既鬆脆口感反而就似食香口膠味道都算一般唔係每個人都識欣賞此味菜式...牛脊肉,鰻魚就唔錯, 二款菜式都醃得入味非常, 就算個牛脊肉過熟都唔會鞋口第二驚喜係最後追加既冷麵係我最欣賞, 一來就已經成碗出晒冷煙, 碗內亦放入大量既冰,再加上醋同芥辣拌食, 酸甜既水冷麵令人食慾大增, 而且,麵身好爽身, 簡直夏天必選最後驚喜係埋單後老闆娘每人送左盒面膜俾我地, 原因係新店開張送既禮物, 真係估唔到食飯送面膜有趣.PS. 店舖細, 枱亦細, 基本上食飯地方唔舒服, 不過店員細心有禮, 整餐飯
二人選擇, 豬皮, 牛脊肉,鰻魚, 最後再追加一個冷麵
叫完食物後店員即送上一大支凍麥茶; 每一碟生洋蔥, 湯.至於前菜就泡菜, 土豆絲(前菜是無限加添)...
第一驚喜係估唔到個湯係凍湯仲要有D蘋果同紹菜, 酸酸甜甜好醒胃.
至於前菜就比較遜色唔算美味...
平時食韓燒真係無豬皮食, 見到餐牌有這個菜色供應,我同友人都想試下.
此店處理得豬皮好乾淨, 店員說燒好後配上旁邊既黃豆粉食用, 可惜燒後既豬皮一點都唔似我地中國菜既燒肉皮既鬆脆
口感反而就似食香口膠味道都算一般唔係每個人都識欣賞此味菜式...
牛脊肉,鰻魚就唔錯, 二款菜式都醃得入味非常, 就算個牛脊肉過熟都唔會鞋口
第二驚喜係最後追加既冷麵係我最欣賞, 一來就已經成碗出晒冷煙, 碗內亦放入大量既冰,再加上醋同芥辣拌食,
酸甜既水冷麵令人食慾大增, 而且,麵身好爽身, 簡直夏天必選
最後驚喜係埋單後老闆娘每人送左盒面膜俾我地, 原因係新店開張送既禮物, 真係估唔到食飯送面膜有趣.
PS. 店舖細, 枱亦細, 基本上食飯地方唔舒服, 不過店員細心有禮, 整餐飯亦食得好開心.
Post
