樓下冰室 (Closed)

星期日黎男朋友朋友屋企玩，去之前食個下午茶，去左兩間想食既餐廳都大排長龍，所以轉場去左樓下冰室食，雖然都要排隊，但係都好快有位。我地叫左牛肉鮮番濃湯通粉配牛乳炒蛋、牛油厚多士，飲凍檸茶少甜同埋招牌瑞士雞脾配薯角，飲熱華田。招牌瑞士雞脾好濃味，肉質都嫩滑，薯角熱辣辣。牛肉鮮番濃湯通粉超熱，有唔少番茄蓉，真材實料。牛乳炒蛋比較碎，都滑身。牛油厚多士唔算厚，都唔夠脆，但配滑蛋食就幾好食。呢間食物質素雖然唔錯，但衛生需要改善下。