康記粥店 (Moved) New Location

下晝三點幾都仲未食野，坐底食碟腸粉食碗粥。下午茶時間，都好爆棚，要係路邊開枱。要炸兩同埋豬潤腸粉，即叫即整，不過都唔洗等太耐就有得食。腸粉皮唔算薄，餡就豬潤算係爽唔會好粉，不過唔係一塊塊，幾碎下，分佈亦唔太平均。炸兩就幾唔錯，條油炸鬼韌身少少濕，係我歡喜既炸兩，唔係果d太鬆脆既油炸鬼做既炸兩，幾唔錯。粥要左魚片皮蛋粥，粥底幾糊下唔算太綿，魚片有骨，皮蛋幾多。放低三十幾蚊，繼續下一站。