Video
Read full review
2018-05-24
205 views
今晚想瘋狂叫小食就去出左名平，唔需要加一，又好耐無去既薩利亞。去到竟然要等15分鐘先有位，真係好受歡迎。2個人被安排4人枱，都算舒服。然後最恐怖既事出現了......枱面有4隻碟疊係枱面，最面既第一隻碟睇落去係乾淨既，點知一拎起，第二隻碟係污糟既，污糟既程度，並唔係洗唔乾淨，而好明顯係上一手食完野既碟然後第三第四隻碟都係咁污糟，真係好噁心真係第一次遇到尼種情況 (以前幫襯過幾次都正正常常)。心情已經好差，但又唔想再轉場，唯有叫侍應拎過新既碟我地叫左辣味雞翼、肉醬多利亞、黑椒蜆肉同照燒汁肉眼牛扒。辣味雞翼(8隻) ($32)$32有8隻雞翼真係好扺食。上菜既時候仲暖暖地，味道辣辣地，唔錯。不過攤凍左之後，ｄ肉好實，唔好食，要趁熱食先好味。肉醬多利亞 ($27)以前食過薩利亞既經驗，係唔好叫意粉，原因係上菜後d意粉好快會凍哂，唔好食。唔通係因為冷氣太大? 但食過其他餐廳既意粉就唔會有尼個情況。所以每次去薩利亞都會叫鐵板上既飯最穩陣，唔會咁快凍哂。肉醬多利亞既肉醬同飯既比例大概係50:50，每啖飯都有啖啖既肉醬，同埋芝士，真心推介尼款，好味！黑椒蜆肉 ($19)$19有咁大碟蜆肉真係好抵。”
2個人被安排4人枱，都算舒服。然後最恐怖既事出現了......枱面有4隻碟疊係枱面，最面既第一隻碟睇落去係乾淨既，點知一拎起，第二隻碟係污糟既，污糟既程度，並唔係洗唔乾淨，而好明顯係上一手食完野既碟然後第三第四隻碟都係咁污糟，真係好噁心真係第一次遇到尼種情況 (以前幫襯過幾次都正正常常)。心情已經好差，但又唔想再轉場，唯有叫侍應拎過新既碟
我地叫左辣味雞翼、肉醬多利亞、黑椒蜆肉同照燒汁肉眼牛扒。
辣味雞翼(8隻) ($32)
$32有8隻雞翼真係好扺食。上菜既時候仲暖暖地，味道辣辣地，唔錯。不過攤凍左之後，ｄ肉好實，唔好食，要趁熱食先好味。
肉醬多利亞 ($27)
以前食過薩利亞既經驗，係唔好叫意粉，原因係上菜後d意粉好快會凍哂，唔好食。唔通係因為冷氣太大? 但食過其他餐廳既意粉就唔會有尼個情況。所以每次去薩利亞都會叫鐵板上既飯最穩陣，唔會咁快凍哂。肉醬多利亞既肉醬同飯既比例大概係50:50，每啖飯都有啖啖既肉醬，同埋芝士，真心推介尼款，好味！
黑椒蜆肉 ($19)
$19有咁大碟蜆肉真係好抵。”友人”話蜆肉無乜砂，都幾鮮甜，係佢每次既必叫之選。
照燒汁肉眼牛扒 ($59+$6白飯)
食過咁多次薩利亞都無叫過鐵板餐，原因係比起其他小食、飯同意粉，價錢無咁抵。鐵板餐同白飯上菜時唔算熱，都係暖暖地。“友人”話質素好過茶餐廳，粟米配燒汁好味。不過加埋白飯要$65一個鐵板餐既話，我會選擇大家樂大快活，起碼係熱辣辣。
整體而言，以尼個價錢仲唔需要加一，味道ok，真係好抵食。雖然親眼目睹d碟咁污糟，不過我相信隔好耐好耐之後都會再幫襯下，希望唔會再咁唔好彩啦。
Other Info. :
上openrice寫食評既時候，發現其他食客都好似無遇過咁污糟既碟，可能個日真係唔好彩。但正常一間餐廳都唔應該俾尼種甩漏情況出現。
(The above review is the personal opinion of a user which does not represent OpenRice's point of view.)
Post
