Bakehouse

Open Now

Now Closed

地址－Bakehouse (尖沙咀)尖沙咀漢口道44號地下有日出開尖咀做野，經過呢間野，先知原來尖咀開左分店，咁我都唔執輸，排下隊，拎返屋企用氣炸鍋翻熱當下午茶食都幾好。💋酸種蛋撻，呢個我想試好耐了，難得出城當然唔會放過呢個機會啦，呢個撻外層酥皮酥脆內軟，食落好香牛油味，又鬆化，裡面蛋部份食落好CREAMY，蛋味香濃，又帶點奶香味，真係好想食多粒呢！💋鹹蛋菠蘿包，原本都唔知有呢個包，係排隊期間聽到有職員向前人介紹，所以我都唔執輸買返個黎食下，食落個皮好脆身，都食得出鹹蛋味，出奇地同個包又幾夾，鹹鹹甜甜咁，正。💋肉桂卷，呢個已經係第二次食了，佢今次都係水準依然，未食之前已經聞到好香肉桂味，食落味道出眾，配埋面層白色的糖霜，味道甜甜地，好正。💋朱古力冬甩，呢個係臨比錢時見到佢係我面前得返一件，好孤單咁，好啦，就買埋你讓你地係胃中相聚啦(笑)，呢個咬落實淨得黎都算鬆軟，配埋朱古力醬表層，雖然邪惡，但味道一流。