Video
Read full review
2020-10-23
1320 views
對於老牌花園餐廳嘅情意結，要追溯上世紀學生時代，經常同書友仔去旺角花園餐廳鋸扒，最鍾意聽倒汁落去鐵扳時，發出個陣吱吱聲個時經典鐵扒餐先廾幾蚊，大件夾抵食後尾分店越開越多，有段時間質素下降同無咁抵食。老友住荃灣，話綠揚坊，早前新開花園餐廳，扒餐唔錯，多年無光顧花園餐廳，一於應老友之約，同時懷緬下昔日嘅情懷🍽食晏時間超多人，要等位。set Lunch餐湯有忌廉同羅宋兩款兩個都揀羅宋湯雜菜幾多，有牛肉，頗足料，味道我哋嫌偏甜少酸味，但可以接受👌餐包係舊式茶餐廳個種，搽上牛油食，包軟熟但係凍嘅，扣分主菜我哋又同時揀咗鐵扳牛扒餐，嫌西冷肉質硬，無肉眼咁冧無骨肉眼牛扒大大塊，薯菜墊底我揀5成熟，老友唔想食太生，要咗七成熟，可以淋黑椒或蒜蓉汁，淋上燒汁，好似加添色彩，即時潤澤我嫌汁油腻唔太健康無要，切開重有少少粉嫩，肉質都ok。最後，飲埋杯餐茶☕，食飽飽，老友埋單走人整體嚟講，老牌牛扒屋，侍應殷勤有禮，服務幾好，食物質素可以，無加一服務費，埋單百多元，以呢個價錢，食到咁大塊既牛排，都算抵食
對於老牌花園餐廳嘅情意結，要追溯上世紀學生時代，經常同書友仔去旺角花園餐廳鋸扒，最鍾意聽倒汁落去鐵扳時，發出個陣吱吱聲
個時經典鐵扒餐先廾幾蚊，大件夾抵食
後尾分店越開越多，有段時間質素下降同無咁抵食。
老友住荃灣，話綠揚坊，早前新開花園餐廳，扒餐唔錯，多年無光顧花園餐廳，一於應老友之約，同時懷緬下昔日嘅情懷🍽
食晏時間超多人，要等位。
set Lunch
餐湯
有忌廉同羅宋兩款
兩個都揀羅宋湯
雜菜幾多，有牛肉，頗足料，味道我哋嫌偏甜少酸味，但可以接受👌
餐包係舊式茶餐廳個種，搽上牛油食，包軟熟但係凍嘅，扣分
主菜
我哋又同時揀咗鐵扳牛扒餐，嫌西冷肉質硬，無肉眼咁冧
無骨肉眼牛扒大大塊，薯菜墊底
我揀5成熟，老友唔想食太生，要咗七成熟，可以淋黑椒或蒜蓉汁，淋上燒汁，好似加添色彩，即時潤澤
我嫌汁油腻唔太健康無要，切開重有少少粉嫩，
肉質都ok。
最後，飲埋杯餐茶☕，
食飽飽，老友埋單走人
整體嚟講，老牌牛扒屋，侍應殷勤有禮，服務幾好，食物質素可以，無加一服務費，埋單百多元，以呢個價錢，食到咁大塊既牛排，都算抵食
Post
