城寨煲皇

Open Now

Now Closed

城寨龍鳳雞煲翅💛呢個湯底絕對係將成個火鍋提升到另一個層次，用料好高檔，見到有好多花膠，仲要隻隻都大大隻，好厚身，仲真係會有魚翅，雞亦都係原隻雞去煲出嚟，淨係呢個湯底都已經好滿足！田園雙拼餃💚雙拼餃係韭菜餃加菜肉餃，好清新嘅餃子，真係有好多菜喺入邊，好健康！冰豆腐🤍呢個冰豆腐都係台灣正宗嘅冰豆腐，滑嫩得來亦都煙煙韌韌，有一層層嘅層次，吸收晒啲湯汁，好好食！龍蝦刺身🧡呢個又係今次打邊爐嘅重點之一，係原隻嘅龍蝦刺身，完全唔使驚會唔衛生或者唔新鮮，啲肉好嫩，好鮮味，切好一片片嘅薄片，超級鮮甜！涼拌麻辣花甲💙花甲係估唔到咁大隻，每隻都有好大粒肉，好甜，調味亦都係調得好好，有蒜蓉辣椒麻油，好香，做小食一流！