Video
Read full review
2020-11-04
2437 views
已經一段時間冇寫過食評，估唔到今次係因為唔好既體驗而寫，事緣同屋企人諗住食返個情懷就黎左呢度幫襯，因為知個炭爐係間鋪既招牌，大家黎呢度都係食個風味，同埋用餐過程其實都不錯，啲員工都比人地所講感覺有禮貌，每樣食材睇得出都係靚野，特別一讚係佢個雲吞同桶蠔係幾驚喜！本來都討論緊短時間之內再黎支持，點知埋單發生左小插曲，見到佢收左碟不知名既海鮮錢，就同佢講無點過碟野，點知個職員好搞笑咁拎個吉碟過黎叫我認下個碟有冇見過⋯果刻真係黑人問號左出黎⋯點左十幾廿碟野食，隻隻碟唔同形狀，仲要有啲野食唔係我放落個煲度，我第一次聽到人叫我認下個碟之後我堅持自己真係冇點過，因為我連個名都唔知佢係乜黎！！結果佢又叫我同個碟相認我就話不如你拎返我點菜張紙俾我睇啦，幾個職員行黎行去咁又做左場大龍鳳叫我望碟⋯我就話不如你真係搵返張點菜紙俾我睇啦，跟住其中一個職員先認衰咁話你地的確冇點過，但去錯左你地張檯所以加左落你張單度，我果刻真係唔怪得知望落張單已經覺得好怪，明明有幾樣我係感覺冇點過咁，以為係屋企人叫，咁我有印象自己有食過，所以果啲無爭論，同佢地講返點解黎錯左唔係即時同我地講聲而係私底下加單，仲要叫左佢俾幾次我睇點菜
本來都討論緊短時間之內再黎支持，點知埋單發生左小插曲，見到佢收左碟不知名既海鮮錢，就同佢講無點過碟野，點知個職員好搞笑咁拎個吉碟過黎叫我認下個碟有冇見過⋯果刻真係黑人問號左出黎⋯點左十幾廿碟野食，隻隻碟唔同形狀，仲要有啲野食唔係我放落個煲度，我第一次聽到人叫我認下個碟之後我堅持自己真係冇點過，因為我連個名都唔知佢係乜黎！！結果佢又叫我同個碟相認我就話不如你拎返我點菜張紙俾我睇啦，幾個職員行黎行去咁又做左場大龍鳳叫我望碟⋯我就話不如你真係搵返張點菜紙俾我睇啦，跟住其中一個職員先認衰咁話你地的確冇點過，但去錯左你地張檯所以加左落你張單度，我果刻真係唔怪得知望落張單已經覺得好怪，明明有幾樣我係感覺冇點過咁，以為係屋企人叫，咁我有印象自己有食過，所以果啲無爭論，同佢地講返點解黎錯左唔係即時同我地講聲而係私底下加單，仲要叫左佢俾幾次我睇點菜紙先講件事出黎，感覺好似係諗個大話出黎解釋自己砌客人生豬肉咁⋯
屋企人見我俾錢俾咁耐，結果走左黎了解之際，個職員就拎左果個海鮮個樣黎睇，我屋企人認得有落過，結果佢話平返碟菜唔收我錢，果下本來覺得好有誠意，但走左之後就覺得係語言藝術被搵笨，我地咁少人都可以加左幾碟野，一大班人既話咪仲博大霧？？尤其係加海鮮呢啲野個感覺係不好受⋯如果學佢話齋只係俾錯隔離檯既野俾我地，係咪點都即時講會更有說服力？？
成件事搞到我好似賴皮唔認帳果下好肉酸，希望大家都睇單做人⋯同埋其實落單時已發現佢啲醬料食材收費以呢個格局呢個地段係好驚人，只係我覺得食材新鮮加上情懷無價！！但如果仲要「加收」咁多，我只可以講句，錢唔係咁賺⋯
Post