譚仔雲南米線 (沙田中心)

Open Now

Now Closed

話說我真係好鍾意食米線，一個人諗唔到食咩？食米線啦！咁今日又嚟食米線喇。其實我平時係食開三哥嘅。見今日心癢癢得嚟又想搞搞新意思。咁就食譚仔雲南米線啦😜今日係自疫情以嚟首個放寬夜晚堂食嘅星期五晚上。食店嘅人流比我想像中少。唔通大家都習慣咗係屋企食晚飯？是日叫咗雞肉魚腐麻辣中辣米線，加杯凍奶茶。首先杯奶茶我係叫少冰，但係冰嘅數量都唔少。fine, 奶茶得個甜字。奶味唔濃。望落去就知辣。魚腐索晒啲湯汁，咬落去有爆汁嘅效果。配料腐竹比較少，搵晒成碗得兩少塊。雞肉數量亦唔見得多。但好彩嘅係米線煮得比較淋身，亦都索咗好多湯汁。啱我口味。