臨記車仔麵 (Closed)

唔講我真係唔知，黃大仙行上山個啲位有個竹園夜市，一路都以為得下面啲商場野食添。去咗搵fd咁佢就帶咗我落樓下醫肚～好似畀個名呃咁入去咁😂叫車仔麵原來係冇車仔麵食的，只有港式粉麵。咁都冇所謂啦，反正我都好耐冇食過，同埋價錢都算相宜。我嗌咗個牛腩魚片頭河 $35 餐飲要另外加賣相唔錯，牛腩都好香～而且都有一半係牛筋，足料！牛腩同牛筋都好好食🥺特別係牛腩，啲肉又夠腍又有渣，估唔到咁高質😀同埋河粉吸晒啲腩汁，正呀😋仲有加菜同黑豆漿，食完超級飽。鋪頭係連鎖店黎嘅，但水準都相當唔錯架啦，反而我唔太期望之下仲覺得幾好食添，下次經過都可以試下🤗