Video
Read full review
2017-02-26
1391 views
朋友搬了新屋在上水順欣花園，長咁大都唔知係邊，搭巴士轉火車終於到，house warming完就一齊去開餐，朋友話食日本野，我無異議就gogogo！由於時間尚早，6:30而已，我地不用等都有位，餐廳分兩邊座位，我地坐左邊卡位先點了一個刺身拼盤，黎到賣相好靚，我第一眼concentrated係吞拿魚上，切得十分厚，唔好睇佢顏色係暗紅色，但味道一流，肉質好細嫩柔軟，帶著一點魚油香味。三文魚籽份量不少，每粒都係鮮橙色，貪玩地咬穿每一粒，每粒都充滿甜味！帆立貝比較特別，每片都用檸檬隔開，令每片都有檸檬味，檸檬味加埋帆立貝的鮮味，加添了味道。海膽配上紫菜食用，隔開了腥味，海膽呈金色有光澤，少少腥味，但夾集海水味，夠新鮮！有時海膽會臭臭地，難入口，但呢板海膽沒有，每粒海膽平均分佈，入口柔軟。壽司我地叫左多款唔同的，大家都最愛長的三文魚壽司，三文魚長度成把間尺咁長，三文魚不像爭X咁薄，是有heart的厚身三文魚，好鮮味，八爪魚做得都出色，八爪魚邊好煙靭，有點彈牙，但入面的八爪魚肉好軟林林，鰻魚壽司質感一般，鰻魚片長度長過壽司飯，但汁不多，仲有骨，所以扣左一啲分，最後就是甜蝦壽司，有蝦肉和蝦頭，蝦頭也
朋友搬了新屋在上水順欣花園，長咁大都唔知係邊，搭巴士轉火車終於到，house warming完就一齊去開餐，朋友話食日本野，我無異議就gogogo！
由於時間尚早，6:30而已，我地不用等都有位，餐廳分兩邊座位，我地坐左邊卡位
先點了一個刺身拼盤，黎到賣相好靚，我第一眼concentrated係吞拿魚上，切得十分厚，唔好睇佢顏色係暗紅色，但味道一流，肉質好細嫩柔軟，帶著一點魚油香味。三文魚籽份量不少，每粒都係鮮橙色，貪玩地咬穿每一粒，每粒都充滿甜味！帆立貝比較特別，每片都用檸檬隔開，令每片都有檸檬味，檸檬味加埋帆立貝的鮮味，加添了味道。
海膽配上紫菜食用，隔開了腥味，海膽呈金色有光澤，少少腥味，但夾集海水味，夠新鮮！有時海膽會臭臭地，難入口，但呢板海膽沒有，每粒海膽平均分佈，入口柔軟。
壽司我地叫左多款唔同的，大家都最愛長的三文魚壽司，三文魚長度成把間尺咁長，三文魚不像爭X咁薄，是有heart的厚身三文魚，好鮮味，八爪魚做得都出色，八爪魚邊好煙靭，有點彈牙，但入面的八爪魚肉好軟林林，鰻魚壽司質感一般，鰻魚片長度長過壽司飯，但汁不多，仲有骨，所以扣左一啲分，最後就是甜蝦壽司，有蝦肉和蝦頭，蝦頭也有肉食，洗得好乾淨，廚師將蝦肉分成兩邊，蝦肉鮮甜無雪味！壽司我地都有叫海膽，呢個海膽幾得意，唔似頭先的刺身，呢個海膽唔同色的，一深一淺，入口味道有少少唔同，腥味無咁重，可能因為有醋飯隔一隔個味。
食完壽司刺身，我地覺得仲差少少，就叫左兩碟小食，餐廳推介小食：大根鵝肝，估唔到上水既餐廳都有鵝肝食！大根即係蘿蔔，其實是蘿蔔蒸鵝肝，第一件我先將蘿蔔與鵝肝分開食，蘿蔔就咁食有啲咸，啲醬好入味，但大根蒸得好香，第二件我把它們一齊食，大根無咁咸啦，反而覺得味道剛剛好，鵝肝邊位脆，夠香，咬入啲就化開，呢個大根蒸鵝肝精髓在於冬菇，一片冬菇已經包含了鵝肝，汁的味道，一件$53，值得一試！
飲品方面，推介兩杯，抹茶紅豆冰，有新意，抹茶加奶，奶味較重，紅豆軟而林，面層還跟上一球雪糕！另一杯是水牛爆珠雪糕特款，所謂水牛原來是可口可樂，爆珠係有啲珠係底部，一咬會有水爆開，好食又好玩！上水也有表現咁好的餐廳，推介！
Post
