世窗冰室 (Closed)

陣間出發去泰國布吉玩幾日，依家快快醫肚先，因為飛機吾包飛機餐，sad。我想揀間港式茶記，世窗冰室可謂唯一之選。快快坐低揀野食！Menu款色都幾多：有粉、麵、飯，有扒餐，有西餐，有三文治，有小食，有多士，有即食麵通粉，有湯粉麵，有常餐特餐，應有盡有！我最尾揀咗廚師精選：五香肉丁炒即食麵配凍檸茶。相當大碟！而且炒得好香！根據目測，絕對係有至少兩個即食麵底。色水好夠，應該落得好多老抽。再配埋杯凍檸茶，直頭大滿足！