All Day Cafe (Closed)

All Day Cafe 走簡潔文青風格，淺木色配純白色系感覺舒適，特別與「珍煮丹」設有共享餐飲空間和座位，cafe主打任意配搭的All Day Breakfast。All Day Breakfast$68 有5款基本主材料，包括沙律菜、蕃茄、火腿、蛋和焗豆，另有$98追加3項自選或$108追加5項自選，有28款配料任你追加mix & match。我呢d咁為食既人，得5款緊係滿足吾到我啦！所以我追加左3款配料，有大啡菇、煙三文魚同車里茄，食材用料夠新鮮，蛋煮得很嫩滑。紅酒燴牛肉長通粉紅酒汁帶香料香氣，味道夠濃，伴長通粉十分開胃，牛肉炆得夠鬆軟，容易入口。Cappuccino咖啡拉花很美，咖啡味道濃而口感順滑。培茶牛奶茶香夠出不太甜，淡淡的回甘與微甜平衡得岩岩好，奶味較重，口感細滑。