All Day Cafe (Closed)

又係Work from Cafe嘅生活，上水廣場新開5樓有D新食肆。你今次呢間Cafe就同珍煮丹共用一個開放式嘅座位。咁啱我又要趕住做啲嘢，cafe又有Wi-Fi 提供，就直接喺度試一試佢啲咖啡。見到有 All Day Breakfast，仲可以自己加唔同嘅食物，不過有啲肚餓就叫咗呢一款松露卡邦妮。見到佢哋用緊坪洲‘騎住鳳凰沖咖啡’炒嘅豆，好有興趣試呀，因為上次去坪洲到試唔到。就另外叫咗一杯Latte。先講杯咖啡，香醇濃厚，一啲苦味都冇，佢冇咩花香啊或者果實味，佢係好平實嘅咖啡味道。個意粉一拎黎就好大浸黑松露味，意粉煮得啱啱好唔會太淋，味道都好夠，我覺得如果多啲煙肉會再好味啲。