Mee...lemongrass (彩園廣場) (Closed)

上水彩園商場開左好多新食肆，見呢間都幾大間，d位幾多，而且店門位有手搖飲品counter , 聽到店員promote先知，而家做緊飲品買一送一，好抵！叫左個香葉辣椒豬肉碎香飯，肉碎份量好多，豆角炒到岩岩好，食落都仲爽口。呢個辣辣地， 岩曬鍾意食辣既朋友。之後叫左個軟殼蟹米紙卷，入面有三色椒、芒果、牛油果等等，一啖都咬唔曬！ 叫左個馬拉盞炒通菜，通菜幾新鮮，都幾夠味！仲叫左個小食拼盤，咩都有d , 有蝦餅、牛串燒、雞串燒、春卷、鳯爪、香茅雞翼。食既時候仲係好熱，有煙，應該新鮮炸左冇耐！蝦餅好彈牙！最後叫左個甜品，芒果糯米飯，好多芒果，而且係甜既！d糯米飯就分左幾舊，唔係一份過。呢到既野飲比較偏向台式，如果有埋泰式奶茶就好啦！