鋿晶館 (上水匯)

Open Now

Now Closed

今日要去上水工作，早上11:00就早啲食個午餐。行左過去上水匯，見到一間餐廳就行去睇下。呢間餐廳食物選擇非常之多，午市套餐、鑊氣小炒、點心、燉湯、荷葉籠仔蒸飯都有，連啲飲品都好有特色。真係花多眼亂。入秋就嗌一個燉湯潤一下，另外再嗌荷葉籠仔蒸飯同埋紅豆咖啡冰。首先上了咖啡紅豆冰，我點了少冰，呢杯咖啡紅豆冰用紅豆以玫瑰花造型展示，真係好靚好打卡😃，紅豆腍而入味，同凍咖啡好配合。原盅無添加養生燉湯都有成10幾款，今次嗌了姬松茸螺片燉赤肉湯好清甜、夠熱，飲完都覺得好補身，四季都好啱飲。蒜香石斑片蒸飯，一上菜時蒜香氣撲鼻，石斑片夠滑夠新鮮，炒飯底配上石斑片真係非常之夾，簡直停唔到口。姬松茸螺片燉赤肉湯同埋蒜香石斑片蒸飯係即嗌即整，所以都等左15分鐘左右。呢間餐廳裝修企理，亦有很多食客。同服務員傾過幾句原來呢度師傅背景曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，真係臥虎藏龍😃食物水準好高，下次一定要同屋企人再嚟食。