Video
Read full review
2012-06-09
51 views
4月4日, 今日一朝早去咗荃灣拜山, 拜完嘅時候剛好午飯時間, 一家人行咗去荃灣嗰d廣場區, 搵下搵下嚟到呢間上海婆婆, 又啱屋企人食, 等咗一陣位就入得~::: 雞絲水晶粉皮 ::: $52要先讚係個雞絲粉皮嘅麻醬, 味道濃郁而且絕不手軟咁俾得好足, 可以撈得晒個粉皮~ 粉皮都幾乾爽, 容易咬得開, 香味亦有~ 撈埋個麻醬食更加好味, 芝麻味香濃, 凍凍地直頭開胃~ 唯一不足係雞絲份量比較少, 冇乜雞味而又俾麻醬搶晒味.::: 小籠包 ::: $28成籠小籠包上枱嘅時候噴晒煙, 非常熱辣辣, 一定要襯熱食~ 墊住包底嘅係一片薄薄嘅脆肉瓜片, 令個包唔會黐底之餘又可以保持水份! 外皮又唔會好厚, 但係個外皮又唔會爆~ 一夾起已經感覺到d肉汁喺裏面啷下啷下, 一咬落肉汁有鎖住, 加上裏面嗰舊豬肉唔會嚡, 同個肉汁好襯. 中上水準嘅小籠包唔易遇到~ 好好食~::: 生煎鍋貼 ::: $26鍋貼出乎意料之外都有濃濃嘅肉汁喺裏面! 一不為意咬開咁就俾d澎湃肉汁嚇親~ 個外皮比小籠包嘅厚, 煎得燶燶地香得嚟亦好有質感, 內裡豬肉餡較為實咗d, 但係個肉味依然在~ 雖然$26只有3件不過都食得過~
::: 雞絲水晶粉皮 ::: $52
要先讚係個雞絲粉皮嘅麻醬, 味道濃郁而且絕不手軟咁俾得好足, 可以撈得晒個粉皮~ 粉皮都幾乾爽, 容易咬得開, 香味亦有~ 撈埋個麻醬食更加好味, 芝麻味香濃, 凍凍地直頭開胃~ 唯一不足係雞絲份量比較少, 冇乜雞味而又俾麻醬搶晒味.
::: 小籠包 ::: $28
成籠小籠包上枱嘅時候噴晒煙, 非常熱辣辣, 一定要襯熱食~ 墊住包底嘅係一片薄薄嘅脆肉瓜片, 令個包唔會黐底之餘又可以保持水份! 外皮又唔會好厚, 但係個外皮又唔會爆~ 一夾起已經感覺到d肉汁喺裏面啷下啷下, 一咬落肉汁有鎖住, 加上裏面嗰舊豬肉唔會嚡, 同個肉汁好襯. 中上水準嘅小籠包唔易遇到~ 好好食~
::: 生煎鍋貼 ::: $26
鍋貼出乎意料之外都有濃濃嘅肉汁喺裏面! 一不為意咬開咁就俾d澎湃肉汁嚇親~ 個外皮比小籠包嘅厚, 煎得燶燶地香得嚟亦好有質感, 內裡豬肉餡較為實咗d, 但係個肉味依然在~ 雖然$26只有3件不過都食得過~
::: 婆婆粗炒 ::: $55
即係上海粗炒, 亦都冇加d咩特別料~ 味道好重豉油味, 每一條麵都食到似係過盛嘅豉油, 以致食到尾個碟底都好油… 但係味道都算係ok, 麵條都幾彈牙, 椰菜肉絲冬菇料都好足, 如果豉油落番少d就會好d~
::: 排骨湯麵 ::: $36
排骨外皮炸到金黃色, 因為沾咗粉先炸, 所以十分香脆, 炸到連骨都脆埋! 湯麵個麵底用上幼麵, 口感雖然唔係好豐富, 但係佢幼得嚟都幾彈牙~ 湯底頗清淡, 應該唔係用上味精湯, 都幾健康下~
::: 乾蔥牛肉撈麵 ::: $42
呢個撈麵就係咁多樣之中最好食嘅~ 個汁就有少少似粗炒個汁, 不過唔同係佢又有d似滷水汁, 而汁同麵分開, 可以就番自己喜好去撈~ 乾蔥好香, 除咗令到個麵生色不少之外, 亦令本身肉地軟嫩嘅牛肉絲更惹味, ~
::: 黃金南瓜餅 ::: $30
以為係扁撻撻嗰d豆沙餅咁, 原來佢個樣似高力豆沙咁圓碌碌~ 不過就係煙韌軟糯版! 食到南瓜肉絲絲纖維, 不過南瓜味就唔太食得出, 只係食到少少甜味. 以甜品嚟講甜度未算好夠, 但係感覺上比一般甜品健康, 以我口味都算唔錯~
呢度嘅食物以包餃嘅質素最高, 其餘炒野就比較油咗d~ 都好少喺其他上海食店食到呢個質素嘅小籠包, 真係幾啱我口味~ 但係睇下佢嘅分店大多都開喺新界, 我地住喺港島就唔會山長水遠去食.
Post
