好德來小籠包店 (Closed)

好鍾意食上海食物，每次都必定叫上海小籠包、鍋貼，鋪頭的歷史應該好多人都知，以前喺樓上鋪，現在搬到大街，鋪頭大左好多。去到唔使睇餐牌，必食鍋貼、小籠包、獅子頭；所有食物即叫即製，所以要耐心等候，我會推介佢哋嘅獅子頭，人哋話好吃的上海店必試獅子頭，入口即溶，唔需要咀嚼可以直入喉嚨，一個份量兩份食啱啱好；另外一個必食鍋貼，個名真係叫必食鍋貼，新鮮製作，入囗唔油膩，個底煎到金黃色；蘿蔔絲酥餅，雖然今次熱氣冇叫，但絕對值得推介，又係即製熱辣辣，多蘿蔔絲皮唔油膩；其實佢哋仲有好多小食，都好值得推介。今次叫了上海粗炒、皮蛋豆腐，好一般。點解無題小籠包，其實好多地方小籠包已經做到好出色，佢未去到好出色嗰隻，但依然充滿湯包的小籠包。今次都冇叫甜品，不過提下大家可以隨意更改餡料，例如高力豆沙可以改豆沙餡，今日去到9點，唔使等位，左邊同右邊都係遊客，佢哋都各自叫了麻婆豆腐，下次我會去試吓。忘記提佢地嘅排骨，都好好味，確實好味嘅嘢太多不能盡錄😂。