Wheatfield X 羅宋湯專門店 (Closed)

今日天氣忽然轉冷，中午時分走在中環街頭，突然一位侍應遞過來一張傳單，侍應說店內有熱辣辣嘅羅宋湯，正值飢寒交迫，二話不說就走進店內。餐廳新淨企理，裝修走簡約路線，以灰色、白色作為主調，感覺舒服。桌子上放著點餐紙最基本係一碗湯麵，另外可以加餸/小食/餐飲，豐儉由人我點了牛腩羅宋湯配日式拉麵，另加魚柳。等左唔係太耐，呢碗熱辣辣嘅麵就出現咗！湯頭濃郁但不會過咸，湯比較杰身，有各種已經煮腍哂的蔬菜，同埋七八粒大大粒的牛腩粒。煎魚柳有兩條，可惜浸了湯變腍咗，冇咗香脆的口感。這個日式拉麵怎麼好像上海麵麵質軟滑，很掛湯，和這杰杰地的羅宋湯頗為搭配最後，有餐廳負責人問食客對食物的意見。如實反映了牛腩粒炆煮得不夠腍及不夠入味的問題，負責人說牛腩賣得太快了。他亦說會和廚師反映意見，力求進步。感覺餐廳好有誠意，希望食物質素可以更進一步，將上海式西餐帶俾更多食客。