麥田廚房 (Closed)

對於俄羅斯菜好陌生，只是之前在youtube上聽俄仔講過好多食物都一樣味，今次在麥田廚房又是如何呢？一入餐廳已看到俄羅斯娃娃、雙頭鷹標記及前蘇聯紀念勳章等好地道的裝飾。原來是fusion菜上海派招牌羅宋湯 $58相當足料濃湯，有入味軟滑的牛腩、番茄、椰菜、薯仔、紅椒、青椒等精華，而且更見到少有的紅菜頭，每口精華不錯，而且有點辣更開胃。傳統迷你蝦多士 $88薄薄的都幾鬆脆，而且隻雲石圖案碟幾靚。羅勒醬帶子炒意粉 $128炒得夠乾身不會油，散發出陣陣羅勒香草味，帶子也是剛熟。香煎黑毛豬配蘋果汁 $228上檯聞到陣陣肉香味，黑毛豬有一隻手掌的大小，而且也是肉厚，薯角即炸好香口。肥瘦適中，點蘋果蓉可緩和膩感。