Video
Read full review
2011-09-25
1 views
女友人RL同VL約我o係21-9-2011(Wed)食慶祝我o既生日飯,我o地book o左7:00pm,但大家都分別由6:35pm起到達,RL至講畀我o地知有限時145分鐘後交枱.咁奇?呢o度都唔係放題或自助餐,不過睇到呢o度舖位唔大,租又貴,都明明地點解佢o地要咁.我o地先叫o左:2. $42.00o既雞絲粉皮呢個一端上o黎就嗅到香麻醬味,撈勻食先.麻醬太多喇,唔單止糊口,味道都影響埋,原來太濃唔係一件好事.雞絲唔算好多,粉皮都雪得夠凍.味道: 3分1. $56.00o既醉雞menu寫明如要雞髀要加$10.00,我o地冇特別話要,但都自動畀o左雞髀我o地.醉雞同樣夠凍,酒味好重,雞肉爽.食到底o既雞翼就食到酒o既苦味.味道: 3.5分3. $26.00o既鮮肉小籠包一籠四個,內裡肉汁仍有,但唔係好多.味道同出面o既都差唔多啦.味道: 3分5. $62.00o既雪裡蕻蓮藕炒年糕有好多梅菜,蓮藕片唔多,年糕一樣煙韌,蓮藕片爽,好彩呢個味道比頭兩個前菜淡啲,不過呢個有少少辣味.味道: 3.5分4. $28.00o既三鮮鍋貼呢個製作須時,差唔到20分鐘至到.端上o黎時都嗅到香味.鍋貼大大件
我o地先叫o左:
2. $42.00o既雞絲粉皮
呢個一端上o黎就嗅到香麻醬味,撈勻食先.麻醬太多喇,唔單止糊口,味道都影響埋,原來太濃唔係一件好事.雞絲唔算好多,粉皮都雪得夠凍.味道: 3分
1. $56.00o既醉雞
menu寫明如要雞髀要加$10.00,我o地冇特別話要,但都自動畀o左雞髀我o地.醉雞同樣夠凍,酒味好重,雞肉爽.食到底o既雞翼就食到酒o既苦味.味道: 3.5分
3. $26.00o既鮮肉小籠包
一籠四個,內裡肉汁仍有,但唔係好多.味道同出面o既都差唔多啦.味道: 3分
5. $62.00o既雪裡蕻蓮藕炒年糕
有好多梅菜,蓮藕片唔多,年糕一樣煙韌,蓮藕片爽,好彩呢個味道比頭兩個前菜淡啲,不過呢個有少少辣味.味道: 3.5分
4. $28.00o既三鮮鍋貼
呢個製作須時,差唔到20分鐘至到.端上o黎時都嗅到香味.鍋貼大大件,熱辣辣,味道都屬正常,不過就唔係燶.味道: 3.5分
然後我o地後加三樣o野:
8. $56.00o既賽螃蟹
成碟賽螃蟹冇生雞蛋,只有蛋白,我試吓唔撈醋食,味道都已經好夠,唔係淡.蛋白亦炒得幾滑幾靚.味道: 4分
7. $28o既干貝蘿蔔絲酥
外表唔油膩,但裡面o既蘿蔔絲唔夠味,一般.味道: 3分
6. $52.00o既糖醋魚塊
端上o黎時有好多汁,畀我感覺幾好,可惜食落,味道酸o左啲,魚塊冇乜問題.味道: 3分
食完後我o地都叫唔到甜品食喇.
服務:
頻頻收碟同斟水.
我o地坐到大約9:30pm至走,都冇趕我o地走,可能因為真係o岩o岩好,其實我o地都冇為意.
環境:
我o地坐卡位,椅係紅色毛氈o個類,都幾熱,但好彩冷氣夠.不過枱同椅之間o既距離唔夠,有啲迫.
價錢:
茶水每位$4.00,再加一,埋單$398.00.
Post
