Video
Read full review
2018-06-03
83 views
lunch嚟呢度食上海嘢最鐘意食上海嘅粉麵，飽肚得嚟又有功夫，所以叫咗兩個麵點套餐一個紅油牛展麵配小籠包，一個蔥油開揚拌麵配金絲蝦燒賣，另外套餐仲加咗凍豆漿同雞絲粉皮店員好貼心，落單嘅時候問我哋紅油牛麵要唔要少辣/走辣同埋個蝦燒賣係糯米餡，問我哋o唔OK最先嚟嘅係冷盤小食雞絲粉皮滑溜溜嘅粉皮上面淋咗麻醬同芝麻，旁邊配少許青瓜絲呢個天氣凍食一流，粉皮爽滑，醬汁香濃，撈埋一齊食真係個唔錯嘅小菜蔥油開揚拌麵上面有好多香菇粒同荀粒，仲有炸過嘅乾蔥，整體十分濃郁，調味都較重個麵嘅質地係上海麵，粗幼有致，醬油拌得均勻，係好易撈完食哂嘅一個麵紅油牛展面湯底都算係幾清，上面有薄薄哋嘅一層紅油，因為叫咗少辣所以都只有少許麻香，配上蜜糖豆同蔥粒，材料簡單但美味牛腱肉係薄切，炆得好淋，幾乎一咬就斷整個麵有上海特色，重麻辣又不失清香四隻小籠包上檯好多蒸氣等蒸氣散開發現每粒小籠包下面都有一小片瓜，原本都冇為意，但係一夾就發現原來片瓜係為咗防止小籠包皮穿咗，啲湯汁可能會漏出嚟而切，十分細心當然小籠包都冇令我哋失望包住滿滿嘅肉汁金絲蝦燒賣係糯米燒賣，上面有好多元貝絲，增加香味，蝦仁就比較細食親小籠包都一定要同朋友討
最鐘意食上海嘅粉麵，飽肚得嚟又有功夫，所以叫咗兩個麵點套餐
一個紅油牛展麵配小籠包，一個蔥油開揚拌麵配金絲蝦燒賣，另外套餐仲加咗凍豆漿同雞絲粉皮
店員好貼心，落單嘅時候問我哋紅油牛麵要唔要少辣/走辣
同埋個蝦燒賣係糯米餡，問我哋o唔OK
最先嚟嘅係冷盤小食雞絲粉皮滑溜溜嘅粉皮上面淋咗麻醬同芝麻，旁邊配少許青瓜絲
呢個天氣凍食一流，粉皮爽滑，醬汁香濃，撈埋一齊食真係個唔錯嘅小菜
蔥油開揚拌麵上面有好多香菇粒同荀粒，仲有炸過嘅乾蔥，整體十分濃郁，調味都較重個麵嘅質地係上海麵，粗幼有致，醬油拌得均勻，係好易撈完食哂嘅一個麵
紅油牛展面湯底都算係幾清，上面有薄薄哋嘅一層紅油，因為叫咗少辣所以都只有少許麻香，配上蜜糖豆同蔥粒，材料簡單但美味
牛腱肉係薄切，炆得好淋，幾乎一咬就斷
整個麵有上海特色，重麻辣又不失清香
四隻小籠包上檯好多蒸氣
等蒸氣散開發現每粒小籠包下面都有一小片瓜，原本都冇為意，但係一夾就發現原來片瓜係為咗防止小籠包皮穿咗，啲湯汁可能會漏出嚟而切，十分細心
當然小籠包都冇令我哋失望包住滿滿嘅肉汁
金絲蝦燒賣係糯米燒賣，上面有好多元貝絲，增加香味，蝦仁就比較細
食親小籠包都一定要同朋友討論嘅係：究竟應該係側邊咬開定係上面
其實輕輕咬開包皮，都係為咗令小籠包嘅湯汁稍為放涼，食落唔會辣親條脷啫
而且無論邊個做法，只要最後可以一口將滿滿肉汁嘅小籠包放入口，已經好滿足
餡料係豬肉同蔥，簡直得嚟做得有水準，值得推介
Post
