Video
Read full review
2017-04-08
1436 views
工作中去到荃灣，接近兩點泊好車，呢頭好多餐廳，可以唔使捱茶餐廳，一行5人去食上海菜，呢條街除了車房就係食店，呢間店面好傳統嘅白底紅字招牌中菜館，入內先來一個蒸房，入內好窄，細磚地粉黃卡位，裝修已經殘舊，午市只有幾款客飯，連餐牌都無比我哋睇，揀好客飯後問店員小籠包一籠幾多隻！佢先介紹比我！有5/10隻一籠，叫5隻小籠包一人一隻剛剛好！例湯：蔬菜湯夠熱，雖然加咗味精，仲飲到蔬菜原味！上海粗炒（$40）幾失望，啲上海粗麵嘅醬已經糊咗，啲醬酒又唔香，椰菜大塊淋身，豬肉好嚡，小白菜已經乾柴柴咁，加上唔熱，好明顯係炒定嘅，失望！同事遲啲落單，出品賣相即刻唔同晒，分佢一束食，啲麵見到閃亮嘅醬油，熱辣辣架，成碟粗炒好味好多！要睇彩數係唔係即炒！🙄小籠包（$36/5隻）其實其始至終無單據，所以呢個價係我哋用總數減出來！即叫即蒸，仲見蒸房姨姨努力包緊小籠包，但個賣相唔靚，隻隻唔同樣，不規則，夾起無穿，因為啲皮真係幾厚下，我咬開見有一半湯（同事嗰粒只有1/3湯）落啲黑醋入包，一啖食落口，啲湯係鮮甜，加咁醋開胃，豬肉餡幾滑，但個皮真係厚得滯！所以一般！回鍋肉菜飯（$40）同事食，如果跟菜飯就只可一碗，白飯就可
裝修已經殘舊，午市只有幾款客飯，連餐牌都無比我哋睇，揀好客飯後問店員小籠包一籠幾多隻！佢先介紹比我！有5/10隻一籠，叫5隻小籠包一人一隻剛剛好！
22 views
0 likes
0 comments
31 views
0 likes
0 comments
18 views
0 likes
0 comments
19 views
0 likes
0 comments
回鍋肉菜飯（$40）同事食，如果跟菜飯就只可一碗，白飯就可以兩碗！女店員比較cool,叫到問到即做，爽手唔廢話！
環境同食物都一般，但同事話呢間晚市要排隊，唔通午市同晚市嘅廚師係唔同人？
Post
