功德林上海素食 (Closed)

三年前光顧過沙田功德林上海素食兩次沒有服務水凖，之後一直沒有再幫趁。上星期約咗姊妹共三人午飯小聚，不想上茶樓嫌太嘈吵，忽然想起新城市廣場七樓，閒日的食肆較清靜，於是再臨功德林上海素食。果然座上客不多，原來大裝修之後，店舖差不多縮細一半，今次服務員的服務態度無咁難睇。名茶$12位， 開茶後，奉上炸花生菜圃前菜$8，前菜可以不要，我們要了。點選：三鮮窩巴$88方塊窩巴香脆，粒粒均勻白米炸脆不算太油膩，看着方塊窩巴，心裏懷念多年前在官塘上海館子，吃過的瓦煲飯焦窩巴！！！三鮮,,,幾款素菇顯得非常清淡。油雞菌雜錦煲仔飯$96有菇香，小小辣味、辣香，瓦煲底有惹味的飯焦。素仁鬆叉子餅$98素仁炒得鹹鹹香香很夠味，叉子餅嫌不夠脆口。每人一碗芝麻湯圓$28一碗四顆湯圓，皮薄麻蓉香，糖水仲要夠薑才完美，微微薑香，糖水的甜度也恰好。可惜不是四川片糖，如果是，它片糖香的已經撲鼻而來！