小川滬拉麵小籠包

Open Now

Now Closed

收工去屯門射箭前搵野醫肚，今次又係黎屯門雅都樓上既food count，選擇夠多，今日就試下呢間主打上海野既小店睇下食物質素如何。小店主打賣麵食同一般上海小食，有個全日套餐就算幾抵，另外都有高力豆沙同酒釀丸子呢類甜品，本身都想試下小籠包但今日1個人食就叫個套餐好了。四川擔擔麵擔擔麵麵質偏腍少少，但未去到1夾就斷果隻，唔夠爽口，湯底質地就幾濃，麵都掛湯，但無乜花生香，都唔算辣，比較淡少少，成個麵黎講比較一般d。乳香雞中翼雞皮有少許南乳味唔太濃，雞翼都唔無話炸得好乾，不過都有少許雪味，又係比較一般。招牌生煎包生煎包做得比較好，新鮮煎起夠熱，底部都煎得金黃少脆，肉餡都算新鮮幾厚實，唯獨2個包都食到有粒碎骨。豆漿跟餐加5蚊，不過比較淡，豆味同甜味都比較淡。整體黎講食物就小店黎講都比較一般啦，無話好好又唔叫好差，食得落，價錢叫做合理。