上海婆婆 (Closed)

同老公入屯門辦年貨，見未試過上海婆婆，即管試試！雖然要等位，但都唔算等得耐．入座前，知客小姐話每檯限食個半鐘，兩個人ｏｋ啦！小籠包～稱得上皮薄餡靚，肉汁鮮甜不在講，餡料亦有淡淡豬肉香味，正黑醋排骨～勁香黑醋味，酸酸甜甜非常開胃，排骨亦唔會乾到柴晒皮，咬落仲有肉汁溢出，正雪菜肉絲炒年糕～好耐無食過咁好味嘅雪裡紅！年糕ＱＱ有咬口，難得炒年糕一Ｄ都唔覺得膩，非常清新黃金四季豆～呢味係因為見到菜譜張相先決定叫嘅，因為原來黃金即係咸蛋黃，雖然膽固醇高Ｄ，但應該會好味．結果無令我失望，真係好香咸蛋味，超正酸辣湯～呢味係全晚最失色嘅，好普通值得一提嘅係，由落單到上齊五樣餸，竟然不出十分鐘，連埋單都奇快，唔怪得可以個半鐘交檯，效率一流，但服務就同Ｄ酸辣湯一樣，普普通通啦！