醋娘子 (Closed)

上環不嬲都好多鬼佬，難得見到一間有特色而且係上海菜嘅餐廳！裏面都有好多外國人，不過就唔知係遊客定係本地嘅人。豆漿＄12 ×2豆漿個size都真係幾大杯，飲到好濃郁嘅豆味！味道甜甜地，可以選擇熱飲或凍飲。上海小籠包四隻＄26小籠包裏面有好多湯汁，味道也不錯，比較香濃，外皮亦都非常靚。口水雞＄48口水雞嘅肉質比較硬身，不過調味全部都做得好好！所以食落去嘅味道非常之突出，香辣十足。酸辣湯一碗＄25酸辣湯將酸味同埋辣味中和得非常好。味道適合我，而且裏面嘅配料亦非常多元化，質感較濃，建議兩位可以共享一碗。鎮江小排骨麵＄48小排骨外皮經過炸，十分香口，很有特色，裏面除咗麵有彈性之外，仲有啲菜夠健康。餐廳俾人一種好舒服，好貼地嘅感覺，要喺嗰邊做嘢嘅都可以黎試吓。