Video
Read full review
2024-10-11
462 views
呢間位於上環嘅fusion餐廳，菜式結合中西及西式，為客人帶來傳統及創新嘅體驗。餐廳名為「1908」，沿於第一間中菜館於倫敦開業，充滿歷史氣息。餐廳設計以藍色為主調，燈光溫暖柔和，寧靜又舒適。座位分為室內及室外，更設有酒吧區，無論家庭及朋友聚會，大型派對活動或兩三知己都非常適合。我哋今次點咗2個一人晚市套餐（$680），有湯羹，前菜，主食及甜品，相當豐富。💙鮮蟹肉粟米羹第一道菜係粟米羹，入口鮮香，啖啖粟米同蟹肉。蟹肉新鮮，粟米清甜，再加上小小胡椒，成個湯羹嘅味道更加突出。💙芝麻蝦多士 | 酥炸雲吞| 田園沙律-呢道蝦多士相當特別，比平時食到嘅更加豐富，外層鋪滿黑白芝麻，食到黑芝麻嘅香濃及白芝麻嘅清新。本身外皮已經炸到酥脆，加上用咗芝麻鋪喺面，就算擺咗一陣，都保持到入口香脆嘅口感。鮮蝦大隻爽口，多士沾上甜酸汁，非常滋味。-酥炸雲吞外皮金黃香脆，咬落去脆卜卜，內餡肉質爽口多汁，搭配泰式酸辣醬一流👍🏻-沙律菜新鮮清甜，用上南乳醬做沙律汁，第一次食沙律係用呢種醬汁，好特別創新，估唔到又幾夾喎！💙香酥鴨掛包掛包熱騰騰送上，保持到溫度同濕度。包嘅外皮鬆軟，內部包住香酥鴨肉同青瓜，咬落去感受到外皮的
餐廳名為「1908」，沿於第一間中菜館於倫敦開業，充滿歷史氣息。餐廳設計以藍色為主調，燈光溫暖柔和，寧靜又舒適。
座位分為室內及室外，更設有酒吧區，無論家庭及朋友聚會，大型派對活動或兩三知己都非常適合。
我哋今次點咗2個一人晚市套餐（$680），有湯羹，前菜，主食及甜品，相當豐富。
💙鮮蟹肉粟米羹
第一道菜係粟米羹，入口鮮香，啖啖粟米同蟹肉。蟹肉新鮮，粟米清甜，再加上小小胡椒，成個湯羹嘅味道更加突出。
💙芝麻蝦多士 | 酥炸雲吞| 田園沙律
-呢道蝦多士相當特別，比平時食到嘅更加豐富，外層鋪滿黑白芝麻，食到黑芝麻嘅香濃及白芝麻嘅清新。本身外皮已經炸到酥脆，加上用咗芝麻鋪喺面，就算擺咗一陣，都保持到入口香脆嘅口感。鮮蝦大隻爽口，多士沾上甜酸汁，非常滋味。
-酥炸雲吞外皮金黃香脆，咬落去脆卜卜，內餡肉質爽口多汁，搭配泰式酸辣醬一流👍🏻
-沙律菜新鮮清甜，用上南乳醬做沙律汁，
第一次食沙律係用呢種醬汁，好特別創新，
估唔到又幾夾喎！
💙香酥鴨掛包
掛包熱騰騰送上，保持到溫度同濕度。
包嘅外皮鬆軟，內部包住香酥鴨肉同青瓜，咬落去感受到外皮的彈性和內餡的鮮嫩。
鴨肉酥脆多汁，食到五香粉同醬汁嘅味道，而新鮮清爽嘅青瓜，平衡返成個口感，唔會感到油膩。
💙宮保腰果雞柳
雞柳嫩滑，腰果香脆香口，配上紅椒，黃椒，西芹及西蘭花，顏色相當豐富。
醬汁酸甜微辣，好惹味，非常開胃🤤
💙脆皮牛肋骨跟咖喱汁 （+$98）
非常創新同有驚喜！第一次食牛肋骨係酥皮😳
牛肋骨外層煎炸至酥脆，入面肉質鮮嫩，一啲都唔韌，完全喺入口香脆，再咬落鬆化！
咖喱汁香濃微辣，濃稠度perfect ，好惹味 ！
💙英式煙肉菜粒炒蛋飯
有別於平常的西炒飯，用上煙肉取代火腿。
煙肉的鹹香味道好突出，配合菜粒嘅爽口口感，米飯粒粒分明，口感豐富，好滿足😊
💙廚師甜品
藍莓芝士蛋糕及芒果Panna Cotta
🫐藍莓芝士蛋糕餅底特別，用咗焦糖餅乾底，香脆甜甜，芝士香濃幼滑，配上新鮮藍莓，好好食！
🍮芒果Panna Cotta走清新熱帶路線，餅底係傳統牛油餅乾底，冇咁甜。
中層奶凍香滑，有牛奶味，而層底芒果果蓉酸酸甜甜，鋪滿濃郁嘅椰絲，好有泰國風味🥭
💙Moctails
-Lychee Mint （+$70）
好香嘅荔枝味，酸酸甜甜，帶有清新嘅薄荷香氣
-Pomegranate Fizz （+$70）
新鮮石榴汁加入青檸及cream soda,微酸微甜嘅有汽飲品，充滿夏日感覺
鮮蟹肉粟米羹
59 views
0 likes
0 comments
芝麻蝦多士 | 酥炸雲吞| 田園沙律
109 views
0 likes
0 comments
香酥鴨掛包
26 views
0 likes
0 comments
英式煙肉菜粒炒蛋飯
7 views
0 likes
0 comments
脆皮牛肋骨跟咖喱汁
6 views
0 likes
0 comments
宮保腰果雞柳
6 views
0 likes
0 comments
藍莓芝士蛋糕及芒果Panna Cotta
0 views
0 likes
0 comments
Moctails
$70
8 views
0 likes
0 comments
Post
