丼造

Open Now

Now Closed

上環，一個非常繁忙嘅商業區。每日一到放飯嘅時間，想搵個位解決肚餓都唔係一件易事，所以唔少人都會選擇落樓買個外賣番公司食。呢一間叫做「丼造」嘅小店，位置響禧利街，雖然店面唔大，但係啲嘢食都好得。首選推介嘅係「咖哩炸雞烏冬」用上惹味嘅日式咖喱，配合外脆內嫩嘅炸雞，再加上份量唔少嘅鳥冬。真係做到集飽肚同好味於一身。「油甘魚鮫」又係呢間小店嘅得意之作，魚油香十足之外，魚肉亦好嫩滑，外層更加燒到有焦香嘅味道。配埋個飯真係有種完滿嘅幸福感覺。其實兩個餐點都附送日式餐湯架，拎住個外賣番公司食，啲同事都問響邊度買，梗係啦，落雨濕濕得嚟又熱又焗，唔通仲去茶記同人搭枱咩，大家都識揀嘅。