Video
Read full review
2023-11-28
575 views
今日有事要嚟上環辦，搞掂就約喺附近返工嘅朋友一齊食晏。朋友想嘆茶，醒起信德中心有間「望月軒」。酒樓位於離境大堂澳門廣場內最深處，店內裝潢優雅，以青花瓷器及書法作品為裝飾，加上落地大玻璃，可以飽覽 180 度無敵大海景，令人賞心悅目。點心選擇不少，除咗蒸點、腸粉、煎炸類、湯麵、水餃等之外，最吸引嘅就係雀籠點心拼盤。先嚟一客雞絲粉皮 ($78)，雞絲好嫩滑，粉皮軟身煙韌，青瓜絲切得幼細又爽口，配上香濃嘅麻醬，好醒胃上湯福州太平肉燕 ($59) 肉燕係福州特產，形狀似燕子，以湯浸方式烹煮，外皮有油潤膠質感，肉質鮮美彈牙，一啖一隻啱啱好。雀籠點心拼盤 ($168) 拼盤賣相好靚，以雀籠擺設呈上，頂層有大桔大利包 同 望月小籠包。大利包造型精美；小籠包外皮厚薄適中，肉餡甘香鬆化，入口爆汁💦中層有鮮蝦餃同燒賣皇，蝦餃外形飽滿，餃皮軟熟，入面包住原隻鮮蝦；燒賣大大粒，上面加咗蟹籽，入口卜卜脆，豬肉爽口入味。底層有蝦多士同啤梨鹹水角，蝦多士鋪滿彈牙蝦肉同粒粒芝麻，食落鬆脆又唔油膩；鹹水角外脆內軟糯，清甜外皮與肉香餡料帶出鹹甜口感。脆皮五香素鵝 ($88) 腐皮香脆鬆化，入面包住滿滿嘅紅蘿蔔絲、木耳同
今日有事要嚟上環辦，搞掂就約喺附近返工嘅朋友一齊食晏。朋友想嘆茶，醒起信德中心有間「望月軒」。
酒樓位於離境大堂澳門廣場內最深處，店內裝潢優雅，以青花瓷器及書法作品為裝飾，加上落地大玻璃，可以飽覽 180 度無敵大海景，令人賞心悅目。
點心選擇不少，除咗蒸點、腸粉、煎炸類、湯麵、水餃等之外，最吸引嘅就係雀籠點心拼盤。
先嚟一客雞絲粉皮 ($78)，雞絲好嫩滑，粉皮軟身煙韌，青瓜絲切得幼細又爽口，配上香濃嘅麻醬，好醒胃
上湯福州太平肉燕 ($59) 肉燕係福州特產，形狀似燕子，以湯浸方式烹煮，外皮有油潤膠質感，肉質鮮美彈牙，一啖一隻啱啱好。
雀籠點心拼盤 ($168) 拼盤賣相好靚，以雀籠擺設呈上，頂層有大桔大利包 同 望月小籠包。大利包造型精美；小籠包外皮厚薄適中，肉餡甘香鬆化，入口爆汁💦
中層有鮮蝦餃同燒賣皇，蝦餃外形飽滿，餃皮軟熟，入面包住原隻鮮蝦；燒賣大大粒，上面加咗蟹籽，入口卜卜脆，豬肉爽口入味。
底層有蝦多士同啤梨鹹水角，蝦多士鋪滿彈牙蝦肉同粒粒芝麻，食落鬆脆又唔油膩；鹹水角外脆內軟糯，清甜外皮與肉香餡料帶出鹹甜口感。
脆皮五香素鵝 ($88) 腐皮香脆鬆化，入面包住滿滿嘅紅蘿蔔絲、木耳同冬菇等，入口油而不膩，唔使點浙醋食都已經好夠味。
蒜香帶子粒翠炒飯 ($168) 碟飯炒得好夠鑊氣，米飯粒粒分明、潤而不乾；配料有帶子、翠玉瓜、粟米粒同蛋絲，份量十足。
擂沙湯丸 ($38) 湯丸煙韌軟滑，面頭沾滿黃豆粉，入面嘅芝麻餡香濃流心，趁熱食好滋味。今餐食得好滿足，點心質素唔錯，而且侍應殷勤有禮，服務態度良好，值得讚賞。
Post
